ОИЛА ЯНГИЛИКЛАРИ

Бола ўқиб қайтди хориждан бир кун, Касби кор орттирди: дипломли меъмор! Уйда байрам бўлди момоси учун, – Болам, тандир қургин, ўтирма бекор.

Биттаси инжинер бўлиб қайтди-ку, Темир-терсакларга бағишлармиш жон. Тоға ўғил бола гапни айтди-ку: – Эски аравам бор, тузат жиянжон.

Катта дўхтир бўлди кенжатойи ҳам, Бобо дер: – Ғурурга энди тўлайлик. Бироз ҳашакидир дардимиз болам, Сенга муносиброқ касал бўлайлик.

25.04.2015