ОТА - ЎҒИЛ ТОРТИШУВИ

Ота - ўғил тортишарди Маҳшар куни,

Қоғозга ҳам ёзиб бўлмас ҳатто буни.

Ота дерди:- Гўдакликдан сени боқдим,

Байрамларда ўйинчоқлар этдим тақдим.

Еган барча овқатларинг ҳисоби бор,

Рўйхат қилиб қўйганман мен, сен - қарздор!

Ўғил дерди:- Мен уларни узгум албат,

Маҳшар куни берса бўлди имконият.

Бироқ, Сизнинг гуноҳингиз ғоят катта,

Каллангизни узишса ҳам оз, албатта.

Қилмишингиз кўриб, билиб ўлтиргансиз,

Мени ёлғон шу дунёга келтиргансиз.

А.Қ.Ш ХЬЮСТОН . 17.О8. 2О15