МАСХАРАБОЗЛАР
- АБДУЛЛА ОРИПОВ
- Oct 31, 2015
- 1 min read
Ҳавас қилма менга сира ҳам,
На хўжаман ва на саидман.
Йўқдир менинг мансаб-мартабам,
Фақатгина шеърга собитман.
Ҳаваскорнинг узундир тили,
Иғво қилиб, ҳоврини босар.
Агар шумлик истаса кўнгли,
Деразамга тош отиб қочар.
Мақтанар сўнг уйига бориб:
-Рейхстагга байроқни илдик.
Бор-ку, шоир Абдулла Ориф,
Шуни боплаб масхара қилдик.
31.10.2015
