ҲАЁТНИ СEВ

 

Ҳаётни сев,

Борлигича сев,

Бир ён кулба, бир ён қалъалар.

Осмонларнинг дарғасиман, деб

Учиб юрар лочин, қарғалар.

 

Ҳаётни сев,

Шодлик, кулфатда

Бир ён оғу, бир ёнда табиб.

Бир ёнингда ғаним, албатта,

Бир ёнингда дўстлар бор, ҳабиб.

 

Ҳаётни сев,

Ёзми, қаҳратон,

Ҳар лаҳзада шукроналар айт.

Ҳатто Ҳажга боргину, шу он

Совимаган тўшагингга қайт.

 

Ҳаётни сев,

Тўйиб ва тўйиб,

Ота-онанг, фарзандинг қадар.

Десинларки, сен кўнгил қўйиб,

Сўнг ўзинг ҳам бўлдинг мўтабар.

 

Ҳаётни сев,

Боғлагин қанот,

Фазога ҳам учгин таваккал.

Қаттиқроқ сев, сени шу ҳаёт

Ёмон кўриб қолмасдан аввал.                         

                                         12.01.2016

Please reload

ИНСОН

12.01.2017

1/10
Please reload

17.12.2019

17.12.2019

16.12.2019

Please reload

Arxiv
Please reload