Абдулла ОРИПОВ

Уйга кирдим.  Не ҳол, вароқлар ёзиқ

Шамол деразамни очиб кетибди,

Битик қоғозларни титиб аёвсиз

Ҳам уни ҳар томон сочиб кетибди...

Шамоллар!...

Ҳазилинг бу уйдан жавобсиз кетмас

Демасман: “Қоғозни учиролмайсан”:

Ҳар қанча уринма, йўқ, кучинг етмас

Сатрни ўрнидан кўчиролмайсан!

***

Кўзимдан нур кетса, йиллар шамоли

Учириб кетсалар киприкларимни...

Йўқ, йўқ!  Эзгу ишнинг йўқдир малоли.

Шеърим! Сенга бердим тирик боримни.

А. Орипов

1960  Июнь-А...

Гоҳо  гулдор кўйлакда кўрдим,

Оқ шойига ўралдинг гоҳо.

Бир умрлик мафтунинг бўлдим,

Сен ўзингсан севганим танҳо.

Тўрт фасл ҳам либоси кўркам,

Севимли қиз кабисан, ўлкам.

А.Орипов 1960 йил.

Қуёш билан туриб эрта тонг,

Шабнам билан ювдим юзимни.

Жозибага, гўзаликка бой –

Тонгга ҳамроҳ сездим ўзимни.

Шунда сени дилбар ёшлигим,

Тонгсан дедим чиройда тенгсиз.

Саодатга, мазмунга ошно,

Сен қалбдаги ижод, жўшқин ҳис.

Ҳой оппоқ тонг, латофатли тонг,

Сен гулшанга гул бўлиб қўндинг.

Хур ёшлигим, нурли ёшлигим,

Сен умримни мазмунга кўмдинг.

А.Орипов 1959 йил

                        Бўрон!

                        Янада кучлироқ гурласин бўрон.

                                                                М. Горький...

Севаман, сеҳрли шарқ туни, сенинг

Ажиб жозибага бой оғушингни.

Ҳофиз шеъри каби билмасдан тиним

Қора кокилингнинг тўлғонишини.

О, нақадар буюк уйган тоғларинг

О, нақадар гўзал сендаги виқор.

Ҳам, тоғлар ортида мусулмон қизинг

Нозик қўлларида айланар тумор.

Тоғ қадар буюксан сеҳргар кеча

Тоғ қадар жодулар, тилсимларга бой.

Кўҳи Бадахшондан Кўҳи Қофгача

Бир зум учар отлар – тун, сенга чирой.

О, тоғлар ортида қопқора қуюн

Жину алвастилар бўли...

Севгисиз одам

Қулоқ солинг менга яхши қиз, бироз

Дилимни очмоқчи бўлаяпман сизга.

Тунов кун бир дўстим мени дабдуруст,

Айблади севгисизликда.

Бехабар эмишман муҳаббатдан мен,

Қалбимда ишқ эмас бор эмиш илон.

Исбот: қизлар билан юрмас эмишман,

Ўпишмас эмишман ҳаркимлар билан.

Етмасмиди менга қалбдаги тўлқин,

Етмасмиди ўзи шунча шодлик, ғам.

Кул босган оташни қўзғадинг нечун,

Севги керакмиди сенга, дўстгинам.

Севаман, тинч оқшом-юлдузли тунн...

Танқидчига

Яна танқидчининг ҳузуридаман,

Яна ўша сўзлар, такрор, ҳар кунги...

“Шеърларингиз заиф, ижодингиз ғўр,

Кўпроқ ўқинг ука, ўртоқ Пушкинни”.

Икки, уч.., бор келдим, ҳамон ўша сўз,

Ҳатто ёдлаб олдим “ўртоқ Пушкинни”.

Кўз ойнагин секин кўтариб, дер у:

“ Кўпроқ ўқинг, ахир, ўртоқ Пушкинни”

Ниҳоят, тоқатим тоқ бўлиб, бир кун

Пушкин шеърларидан тутқиздим бирин.

“Аттанг,- дейди менга,- шеърингиз кўп хом,

Ўрганиш керак-дер- Пушкиннинг сир...

Азиз китобхон,

Ушбу шеърлар биринчи марта эълон қилинаяпти.  1958-65 йиллар орасида ёзилган.  Абдулла ака шу йилларда ёзган шеърларини  “Шоирнинг туғилиши” номи билан китоб чиқаришни ният қилган эканлар. 1965 йилда нашр этилган илк китоби, “Митти Юлдуз” га киритилган шеърлар эса қисман улар орасидан танлаб олинган.  

Рафиқаси, Ҳанифа Орипова.

...

Ҳар бир уйда айғоқчи,
Ҳар қадамда искович,
Одамни кўрса қочар,
Бедовларинг ҳуркович.
Ошингга заҳар солди,
Ғанимларинг бир ҳовуч,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Нон бермайди ва лекин
Нон еганни ўлдирар,
Ўсиб турган ниҳолни
Аёз каби сўлдирар.
Бозор бормай қўйнингни
Пуч ёнғоққа тўлдирар,
Ёвузларнинг қўлида
Гулдай ватаним қолди,
Бошида паноҳи йўқ
Тулдай ватаним қолди.

Ҳар кўчада минг...

ДАФТАРДА ҚОЛГАН ДАРДЛАР…

ИНСОН

Инсоннинг қўлидан келар ҳар бало, 
Бир соат ичида тўй қилади, тўй. 
Зарра писанд эмас дашту Карбало, 
Фақат уни тингла, ўз ҳолига қўй.

Думалоқ бўлгунча кўз ёши хоблар, 
Фиравин умрини яшайди кимдир. 
Вақт ҳам югуради айлаб шитоблар, 
Фурсатдан улушин ололган эрдир.

Техас. 18.10.2016