АЧЧИҚ ЧОЙ

 

Ярим давлат эмиш ниятинг гоҳо, 

Қорни тўйган куни йўқсил бой эмиш.

Муҳаббат чиройни танламас асло,

Уйқу босиб келса, тош ҳам жой эмиш.

 

Майли қишлоқдасан ёки шаҳарда,

Эгамга бир феълинг ёқса агарда,

Хизир йўлдош бўлгай доим сафарда, 

Бошингга қўнган қуш, у Ҳумой эмиш.

 

Магар чаппа кетса ишинг,омадинг,

Ўттизга кирмасдан ёйдир қоматинг.

Яшашга чайла ҳам қура олмадинг,

Элликка борганда ҳолинг «вой» эмиш.

 

Худойим бердими ақл ва юрак,

Уларга муносиб муҳит ҳам керак.

Кимга элу юрти бўлса гар тиргак,

Қариган чоғда ҳам тошқин сой эмиш.

 

Саломат етдингми қутлуғ бир ёшга,

Шукур қил, ҳамдамсан ойга,қуёшга.

Ва лекин шаробнинг йўриғи бошқа,

Ўрнини босгувчи аччиқ чой эмиш.

                                          29.05.2016                

 

Please reload

ИНСОН

12.01.2017

1/10
Please reload

17.12.2019

17.12.2019

16.12.2019

Please reload

Arxiv
Please reload