ТАРҚОҚ ҚАВМ

Бир қавм бор эди, ғоятда тарқоқ,

Ҳар қайси ўзича кўтарган байроқ.

Қўшни қўшни билан сирлашмасдилар,

Тўю азада ҳам бирлашмасдилар.

Бир куни ёғилди кўкдан фалокат,

Қилиб бўлмас эди офатга тоқат.

Қавм-чи, дод солди, тинчидан жудо,

Аллох, Аллох дея қиларди нидо.

Бало тушмоқдайди ҳануз ҳаводан,

Шундоқ садо келди бирдан самодан:

-Тегманг, тўрт тарафга майли чопишсин,

Ҳар ким ўзи учун Аллох топишсин.

АҚШ. Хьюстон 8.08.2015